Bu parklanma yerində dayanmayın! - Ağacın arxasında sizi sürpriz gözləyir - VİDEO

Sürücülərdən biri yol hərəkətinin təşkilindəki problemlə bağlı videogörüntü çəkərək sosial şəbəkə hesabında paylaşıb. Avtosfer.az xəbər verir ki, görüntü paytaxtın Süleyman Sani Axundov küçəsində qeydə alınıb. Sözügedən küçənin sağ tərəfində avtomobillərin parklanması üçün "AzParking" ərazisi mövcuddur. Yolun müəyyən bir hissənində əlillər üçün də parklanma yeri nəzərdə tutulub. Lakin bunu bildirən nişan ağacların arasında gizlənərək görünməz vəziyyətdə qalıb.

Videonu qeydə alan şəxs sürücüləri diqqətli olmağa çağırıb, aidiyyəti qurumlardan isə problemin qısa müddətdə aradan qaldırılmasını xahiş edib.

Fərid