Nizamidə ağaclar "Yol ver" nişanının qarşısını kəsən ağaclar bundandı – FOTO - VİDEO

Paytaxtın Nizami rayonu ərazisində yerləşən, "8-ci km maşın bazarı" kimi tanınan ərazidə yol hərəkətinin təhlükəsizliyinə təsir edən problem müşahidə olunur.

Avtosfer.az xəbər verir ki, bazarın dairəvi hərəkət hissəsində quraşdırılmış 2.4 "Yol ver" yol nişanı artıq təxminən bir aydır ki, ağac budaqlarının arxasında qalıb. Nəticədə nişan sürücülər tərəfindən demək olar ki, görünmür.

Yol nişanlarının görünməməsi, xüsusilə də dairəvi hərəkət olan ərazilərdə sürücülərin yol şəraitini düzgün qiymətləndirməsinə mane olur və yol-nəqliyyat hadisəsi riskini artırır. Ərazi ilə tanış olmayan sürücülər nişanı vaxtında görmədikləri üçün yol hərəkəti qaydalarını pozaraq təhlükəli vəziyyət yarada bilərlər.

Bakı Şəhər İcra Hakimiyyətindən Avtosfer.az-ın sorğsuna cavab olaraq bildirib ki, Nizami rayonu, "8-ci km maşın bazarı" kimi tanınan ərazinin yaxınlığında yerləşən yol nişanlarının qarşısını kəsən ağac Bakı Şəhər Yaşıllaşdırma Təsərrüfatı Birliyi tərəfindən budanıb.

Həmçinin qeyd edirik ki şəhərdə mütəmadi olaraq monitorinqlər keçirilir,  problemli ünvanlar müəyyənləşdirilir və Birliyin əməkdaşları tərəfindən həmin ünvanlardakı ağaclar budanaraq dayanacaq, işıqfor və yol nişanlarının görünməsinə mane olan hallar aradan qaldırılır.

Eltac Zülfüqaroğlu