Xırdalanda təhlükəli piyada keçidləri: Aidiyyəti qurumlar nəyi gözləyir? - VİDEO

Xırdalan şəhərində piyada keçidlərindəki çatışmazlıqlar həm piyadalar, həm də sürücülər üçün təhlükəli vəziyyət yaradır. Avtosfer.az xəbər verir ki, bu problemlə bağlı dəfələrlə məlumat verilməsinə baxmayaraq, aidiyyəti qurumlar hələ də tədbir görməyib.

Heydər Əliyev prospektində yerləşən piyada keçidindəki problemlə bağlı sürücülərdən biri video çəkərək redaksiyamızın qaynar xəttinə göndərib. Kadrlardan görünür ki, piyada keçiddən istifadə etmək istəsə də, sürücülər ona yol vermirlər. Səbəb isə keçidi bildirən yol nişanının olmaması və piyada keçidində nişanlanma xətlərinin demək olar ki, silinərək görünməz vəziyyətə düşməsidir.

Ümid edirik ki, aidiyyəti qurumlar bu cür piyada keçidlərini qısa müddətdə yoxlayacaq, mövcud çatışmazlıqları aradan qaldıracaq və hərəkət iştirakçılarının təhlükəsizliyini təmin etmək üçün zəruri tədbirlər görəcəklər.

Fərid