Yeni çəkilən zolaq sürücülərə çətin anlar yaşadır - VİDEO

Əhməd Rəcəbli küçəsindən Dərnəgül şosesinə çıxan yolda yeni yol nişanının quraşdırılması sürücülər arasında narazılıq yaradıb. Vətəndaş nişanın yerləşdirildiyi ərazidə görünüşün məhdud olduğunu və bunun sürücülər üçün təhlükəli vəziyyət yarada biləcəyini bildirib.

Avtosfer.az xəbər verir ki, bir vətəndaş sosial şəbəkədə paylaşdığı görüntüdə ərazidəki vəziyyətdən şikayətlənib.

Onun sözlərinə görə, yeni quraşdırılan nişan yalnız günün müəyyən saatlarında – 07:00-dan 10:00-dək və 17:00-dan 20:00-dək qüvvədədir. Lakin nişanın yerləşdiyi mövqe səbəbindən sağ tərəfdən gələn avtomobilləri vaxtında görmək çətinləşir.

Vətəndaş bildirib ki, sürücü yolayrıcında sola baxaraq həmin istiqamətdən gələn nəqliyyat vasitələrinə yol verir, daha sonra dönmə işığını yandıraraq sağa hərəkət edir. Bu zaman sağ tərəfdən gələn avtomobilin gec görünməsi qəza riski yarada bilər.

O qeyd edib ki, nişan yaxın vaxtlarda quraşdırılıb və əvvəllər həmin hissədə belə bir nişan olmayıb. Sürücülər də uzun müddət bu istiqamətdən əvvəlki hərəkət qaydasına uyğun istifadə ediblər.

Eltac Zülfüqaroğlu