DYP-dən yol hərəkəti iştirakçılarına bayram müraciəti - VİDEO

Baş Dövlət Yol Polisi İdarəsi yol hərəkəti iştirakçılarına bayram təbriki və tövsiyələrlə müraciət edib.

Qurumdan Avtosfer.az-a verilən məlumata görə, Baş Dövlət Yol Polisi İdarəsi Yeni il və Dünya Azərbaycanlılarının Həmrəyliyi Günü münasibətilə bütün yol hərəkəti iştirakçılarını səmimi-qəlbdən təbrik edir.

Müraciətdə bayram günlərində yollarda hərəkət intensivliyinin artdığı nəzərə alınaraq sürücülər və piyadalar daha diqqətli və məsuliyyətli olmağa çağırılıb. Sürət həddinə riayət olunması, sükan arxasında diqqəti yayındıran amillərdən uzaq durulması, piyadalara üstünlük verilməsi və yol hərəkəti qaydalarına ciddi əməl edilməsinin vacibliyi vurğulanıb.

Baş Dövlət Yol Polisi İdarəsi bayram sevincinin yalnız təhlükəsiz şəkildə mənzil başına çatdıqda tamamlandığını xatırladaraq, hər kəsə açıq və təhlükəsiz yollar arzulayıb.