Məktəblilərə yol hərəkəti təhlükəsizliyi ilə bağlı maarifləndirici görüşlər keçirilib - VİDEO

“Diqqət, uşaqlar!” aylığı çərçivəsində Baş Dövlət Yol Polisi İdarəsinin əməkdaşları tərəfindən məktəblilərlə yol hərəkəti təhlükəsizliyinin təbliği və təhlükəsiz davranış vərdişlərinin formalaşdırılması məqsədilə maarifləndirici görüşlər davam etdirilir.

Avtosfer.az xəbər verir ki, görüşlər zamanı şagirdlərə yol hərəkəti qaydaları, piyada keçidlərindən düzgün istifadə, svetoforun tələblərinə əməl olunması, nəqliyyat vasitələrində təhlükəsizlik kəmərinin əhəmiyyəti və yollarda diqqətli davranış barədə məlumat verilib.

İnteraktiv formada keçirilən görüşlərdə məktəblilərin sualları cavablandırılıb, müxtəlif yol hərəkəti situasiyaları müzakirə olunub və onlara təhlükəsiz davranışla bağlı tövsiyələr verilib.