Qaxda “Təmiz hava” aylığı ilə əlaqədar tədbir keçirilib - FOTO

Avtomobillərdən atmosferə atılan zərərli tullantıların ətraf mühitə və insan sağlamlığına mənfi təsirinin azaldılması məqsədilə Qax rayonunda profilaktik tədbirlər davam etdirilir.

Avtosfer.az-ın məlumatına görə, Qax Rayon Polis Şöbəsinin Dövlət Yol Polisi Bölməsinin əməkdaşları tərəfindən keçirilən tədbir zamanı sürücü və nəqliyyat vasitəsi sahibləri ilə maarifləndirici söhbətlər aparılıb. Görüşlərdə avtomobillərin texniki sazlığının mütəmadi yoxlanılmasının vacibliyi diqqətə çatdırılıb, həmçinin mövcud qanunvericiliyin tələbləri izah olunub.

Bildirilib ki, atmosferə normadan artıq zərərli qaz emissiyası ixrac edən nəqliyyat vasitələri həm ətraf mühitin çirklənməsinə, həm də insan sağlamlığı üçün risklərin artmasına gətirib çıxarır. Bu səbəbdən sürücülərə belə halların aradan qaldırılması və texniki nasazlıqların vaxtında aradan qaldırılması ilə bağlı xəbərdarlıq edilib.

Nərmin