Qubada narkotikin təsiri altında qayda pozan sürücü saxlanılıb - FOTO

Quba rayonu ərazisində yol hərəkəti qaydalarını pozan sürücü saxlanılıb.

Avtosfer.az-ın məlumatına görə, “Mercedes” markalı avtomobilin sürücüsü  N.Qədirov Quba Rayon Polis Şöbəsinin Dövlət Yol Polisi Bölməsinin əməkdaşları tərəfindən keçirilən tədbirlər zamanı müəyyən olunub. Sürücünün hərəkətləri şübhə doğurduğu üçün onun tibbi müayinədən keçməsi təmin olunub. Müayinə zamanı N.Qədirovun narkotik vasitənin təsiri altında avtomobili idarə etdiyi məlum olub. 

Qeyd edək ki, sürücü barəsində qanunamüvafiq tədbir görülüb.

Nərmin