Sabunçuda skuter, moped və motosiklet sürənlər saxlanıldı - VİDEO

Sabunçu rayon Polis İdarəsinin Dövlət Yol Polisi Şöbəsinin əməkdaşları rayon ərazisində marifətləndirici tədbir keçirib.

Avtosfer.az xəbər verir ki, tədbir velosiped, skuter və moped sürücülərinə qarşı profilaktik xarakter daşıyır. Tədbirdə iştirak edən Bakı şəhər Dövlət Yol Polisi İdarəsinin bölmə rəisi, polis mayoru Toğrul Nəsirli saxlanılan sürücülələrə yol hərəkəti qaydalarının tələblərini izah edib, təhlikəsizlik qaydalarına əməl edilməsinin vacibliyini diqqətə çatdırıb.

Tədbir zamanı nömrəni çirkli saxlayan, cəriməni ödəməyən moped və motosiklet sürücüləri axşarlanıb. Onların barəsində qanunamüvafiq tədbirlər görülüb. Skuter və velosiped sürücüləri ilə isə yol hərəkəti qaydalarına dair təbliğat xarakterli söhbət aparılıb. Təhlikəsizlik gücləndirilməsi məqsədilə bu cür tədbirlər davam etdiriləcək.

Səfər