Şamaxı yolunu palçıq bürüdü - DYP və ağır texnikalar problemi həll etdi - VİDEO

Ölkə ərazisində ötən gündən başlayan yağışlı hava bölgələrdə fəsadlara səbəb olub.

Avtosfer.az xəbər verir ki, bəzi rayonlarda güclü yağışlar səbəbilə yollarda hərəkət çətinləşib. Bununla əlaqədar yol polisi əməkdaşları nəqliyyatın hərəkətini, eləcə də yollarda təhlükəsizliyin təmini məqsədilə tədbirlər görməkdə davam edir.

Analoji hal Bakı-Şamaxı-Yevlax yolunda dayaşanıb. Aramsız yağışlar səbəbilə yaranan sel yolu palçığa bürüyüb, keçilməz hala salıb.

DİN-in Mətbuat Xidmətinin regional qrupundan sorğumuza cavab olaraq bildirilib ki, güclü yağış səbəbindən gələn sel Bakı-Şamaxı-Yevlax yolunun 78-ci kilometrliyində avtomobillərin hərəkətində müəyyən maneə yaradıb. Əraziyə polis və digər aidiyyəti qurumların əməkdaşları cəlb olunub. Yol daş və qumdan təmizləndikdən sonra hərəkətin axını əvvəlki qaydada bərpa edilib.

Səfər