Yol polisi uşaqlar arasında təbliğat işlərini davam edirir - FOTO

Bakı Şəhər Dövlət Yol Polisi İdarəsi və “1 nömrəli uşaq-gənclər inkişaf mərkəzi”nin təşkilatçılığı ilə daha bir maarifləndirici tədbir keçirilib.

Avtosfer.az xəbər verir ki, Bakı Şəhər Dövlət Yol Polisi İdarəsi və “1 nömrəli uşaq-gənclər inkişaf mərkəzi”nin birgə fəaliyyət proqramına uyğun olaraq 238 nömrəli tam orta məktəbdə fəaliyət göstərən “Yol hərəkəti qaydaları” dərnəyinin üzvlərinin iştirakı ilə “Uğurlu yol“ adlı tədbir təşkil olunub.

Tədbirdə uşaqlara yol hərəkəti qaydaları haqqında məlumatlar verilib və yolda daha diqqətli olmaları tövsiyə edilib.Uşaqların ifasında səslənən mahnılar, rəqslər, səhnəciklər maraqla qarşılanılıb.
Tədbirin keçirilməsində məqsəd uşaq və yeniyetmələrin iştirakı ilə yol-nəqliyyat hadisələrinin qarşısının alınması istiqamətində profilaktik tədbirləri gücləndirmək, eləcə də uşaqlara təhlükəsiz davranış vərdişlərini aşılamaqdır.

Tədbirdə Bakı Şəhər Dövlət Yol Polisi İdarəsinin polis kapitanı Pərvanə Muradova, Bakı Şəhər Dövlət Yol Polisi İdarəsinin baş inspektoru, polis baş leytenantı Rüstəm Əhmədli, 1 nömrəli uşaq-gənclər inkişaf mərkəzinin əməkdaşları “Əməkdar müəllim” Fəridə Suleymanova, Sevda Əsgərova, 238 nömrəli məktəbin direktoru Xuraman  Osmanova, müəllimləri və uşaqlar iştirak edib.
Səfər