Zaqatalada “Təmiz hava” aylığı ilə əlaqədar profilaktik tədbir keçirilib - VİDEO

Zaqatala rayonunda avtomobillərdən atmosferə atılan zərərli tullantıların azaldılması məqsədilə yol polisi əməkdaşları tərəfindən profilaktik tədbir həyata keçirilib.

Avtosfer.az xəbər verir ki, tədbir çərçivəsində sürücülərlə maarifləndirici söhbətlər aparılıb, avtonəqliyyat vasitələrinin texniki sazlığının daim diqqətdə saxlanılmasının əhəmiyyəti izah edilib və qanunvericiliyin tələbləri diqqətə çatdırılıb.

Eyni zamanda, atmosferə normadan artıq tullantı ixrac edən nəqliyyat vasitələrinin sürücülərinə bu problemin aradan qaldırılmasının vacibliyi bildirilib.

Qeyd olunub ki, belə profilaktik tədbirlər yol polisi əməkdaşları tərəfindən mütəmadi olaraq davam etdiriləcək.

Nərmin