Bu Çin avtomobili kraş-testdə 0 bal aldı - VİDEO

Bəzi Çin avtomobillərin in Çində və hətta Avropada sınaqlardan uğurla çıxdığını görmüşük. 2024-cü ilin statistikasında 13 Çin avtomobilinin Euro NCAP testlərində 5 bal alması da faktdır. Lakin çox da tanınmayan markalarla bağlı vəziyyət başqadır.

Avtosfer.az xəbər verir ki, Neta V elektrikli krossoveri Asean NCAP testində cəmi 0 bal alıb. Nəzərə alaq ki, Asiya ölkələri üçün nəzərdə tutulan bu sınaq Avropa testlərindən daha yüngüldür. Lakin bunu də hər avtomobil keçə bilmir. 
Kraş-test zamanı avtomobilin qabaq hissəsinin 40 faizinin maneəya çırpılması ilə keçən frontal toqquşmada avtomobil nə sürücünü, nə də sərnişini qoruyub. Təkcə bu faktı demək kafidir ki, hava yastığı açılsda da, manekkenin başı sükan çarxını sındırıb. 
Lateral (yan) toqquşmada da oxşar nəticə alınıb. Avtomobil bu kraş-testdə sıfır bal toplayıb.
Bu rəqəmlər avtomobilin təhlükəsizlik etibarı ilə sovet texnikasından fərqlənmədiyini göstərir.
Azərbaycanda satılmayan bu avtomobil Asiya ölkələrində geniş yayılıb. Yeganə səbəb qiymətiun aşağı (20 000 dollar) olmasıdır. Maşın Avropa bazarında və Avropa standartı tətbiq edən ölkələrdə satılmır.

Vüqar