Banner

AZAL İstanbul uçuşlarında yeni qayda

Yazarlar 16 Noyabr 2026 09:48
AZAL İstanbul uçuşlarında yeni qayda
WhatsApp kanalımıza abunə olun

Azərbaycan Hava Yolları (AZAL) 2027-ci il yanvarın 4-dən etibarən Bakı-İstanbul marşrutu üzrə bütün reyslərini İstanbul Beynəlxalq Hava Limanı (IST) vasitəsilə həyata keçirməyi planlaşdırır.

Avtosfer.az APA-ya istinadən xəbər verir ki, bu barədə "Azərbaycan Hava Yolları" QSC-dən bildirilib.

Məlumata görə, bu dəyişiklik aviaşirkətin uçuş proqramının optimallaşdırılması çərçivəsində həyata keçirilir və reyslərin regionun ən böyük beynəlxalq aviasiya qovşaqlarından birində cəmləşdirilməsini nəzərdə tutur.

"Məqsəd uçuşların təşkilində səmərəliliyi artırmaq, eyni zamanda, İstanbul Beynəlxalq Hava Limanının geniş beynəlxalq marşrut şəbəkəsi sayəsində sərnişinlərə növbəti səyahətlərini planlaşdırmaq üçün daha əlverişli imkanlar yaratmaqdır", - deyə məlumatda qeyd olunub.

Qeyd edək ki, sosial şəbəkələrdə AZAL-ın yeni ildən İstanbulun Sabiha Gökçen Beynəlxalq Hava Limanına uçuşları dayandıracağı barədə məlumatlar yayılıb.

Oxunub : 34
ŞƏRH YAZ
Ad

E-mail

Şərh