Avtodayanacaqda dəhşətli yanğın: 1600 yaxın avtomobil yandı - FOTO

Norveçin cənubunda yerləşən aeroportun avtodayanacağında baş verən yanğın nəticəsində 1500-dən çox nəqliyyat vasitəsinə ziyan dəyib. Avtosfer.az yerli mətbuata istinadən xəbər verir ki, insident Stavanqer şəhərində qeydə alınıb. Hazırda yanğın nəzarət altına götürülüb. Dəyən zərərin məbləği 100 milyon kron təşkil edir.

Bildirilir ki, alovlardan 1500-1600 avtomobil zərər görüb. Yanğın baş verən ərazidən 1000-ə yaxın insan təxliyə edilib. 200-300 nəqliyyat vasitəsi tamamilə yanaraq yararsız vəziyyətə düşüb. Hava limanında reyslər müvəqqəti dayandırılıb. 5 mərtəbəli avtodayanacağın arxa hissəsi uçub.

İlkin məlumata görə, yanğın dayanacaqda olan elektromobildən başlayıb.

Müvafiq qurumlar hadisənin baş vermə səbəblərini araşdırırlar.

Namiq Musayev