Avtomobilinə qartopu atan uşaqlara atəş açdı: 2 yeniyetmə xəsarət alıb

ABŞ-ın Viskonsin ştatında sürücü atəş açaraq iki yeniyetməni yaralayıb. Avtosfer.az xəbər verir ki, insident Miluoki şəhərində baş verib. Bu barədə yerli polis “Twitter” hesabından məlumat yayıb.

Məlumata görə, 12 yaşlı qız və 13 yaşlı oğlan bir neçə həmyaşıdları ilə bərabər yoldan keçən avtomobillərə qartopu atıblar. Atılan qartopudan biri ağ rəngli “Toyota” markalı avtomobilə dəyib. Bundan sonra əsəbiləşən sürücü silahı çıxararaq uşaqlara atəş açıb və sonrada hadisə yerini tərk edib.

Nəticədə güllə xəsarətləri alan iki uşaq, hadisə yerinə çağırılan ambulansla xəstəxanaya çatdırılıb.

Hazırda polis sürücünü axtarır.

Namiq Musayev