Bakıdan Moskvaya uçan təyyarə məcburi eniş edib

Bakı-Moskva reysi ilə uçan sərnişin təyyarəsi məcburi eniş edib. Avtosfer.az xəbər verir ki, buna səbəb isə sərnişinlərdən birinin özünü pis hiss etməsi olub. Bu barədə “Ria Novosti”yə  hava limanının mətbuat xidmətinin sözçüsü Anastasiya Qolodova məlumat verib.

Onun məlumatına görə, “Aeroflot” hava yollarına məxsus Bakı-Moskva 1853 reysi ilə uçan təyyarə yerli saatla 7.44-də Volqoqrad hava limanına məcburi eniş edib.

Bildirilir ki, halı pisləşən sərnişin təyyarədən endirilərək xəstəxanaya çatdırılıb.

Təxminən 1 saat sonra göyərtəsində 85 sərnişinin olduğu hava gəmisi uçuşunu davam etdirib.

Namiq Musayev