Ər arvadını döyə-döyə öldürdü

Azərbaycanda ər həyat yoldaşını qətlə yetirib. Sumqayıt şəhər Polis İdarəsindən verilən məlumata görə, hadisə ötən gecə Sumqayıt şəhəri, 16-cı mikrorayon, ev 80 ünvanında qeydə alınıb. Həmin ünvanda yaşayan 1947-ci il təvəllüdlü Həbib Vahab oğlu Həbibov ailə münaqişəsi zəminində 1957-ci il təvəllüdlü həyat yoldaşı Nənəxanım Həbibovanı döyüb və başına güldan vuraraq qətlə yetirib. Hadisəni törədən H.Həbibov saxlanılıb. Faktla bağlı cinayət işi başlanıb, istintaq gedir.