İranda qəzaya uğrayan təyyarə ilə bağlı yeni TƏFƏRRÜATLAR

“İranda qəzaya uğrayan Ukrayna təyyarəsi, hələ havadaykən yanıb”. Avtosfer.az xəbər verir ki, bunları “Ruptly” agentliyinə qəzanın şahidi danışıb. Onun sözlərinə görə, təyyarənin sağ bortu və quyruğu bütövlükdə alova bürünüb: “Mənim fikrimcə pilot bütün mümkün imkanlardan istifadə edib ki təyyarə yaşayış evlərinin üzərinə düşməsin. Hava gəmisi futbol sahəsinin arakəsmələrini qıraraq evlərdən 20-30 metr aralıda yerləşən Lalə parkına düşüb və partlayaraq yanıb. Hadisə nəticəsində parçalanmış cəsədlərin hissələri 500 - 600 metr kənara səpələnib və buna görə də onların kimliyin tanımaq mümkünsüz olub”.  

Qeyd edək ki, yanvarın 8-də səhər saatlarında Ukraynanın Beynəlxalq aviaşirkətinə məxsus “Boeing 737-800” tipli təyyarəsi Tehran hava limanından qalxdıqdan bir neçə dəqiqə sonra şəhərin cənubunda qəzaya uğrayıb. Hava gəmisi Tehran - Kiyev reysi ilə uçurmuş.

Bortun göyərtəsində Ukrayna, İran, Əfqanıstan, Kanada və bir neçə Avropa ölkəsindən olan 180-nə yaxın insan olub və onların hamısı vəfat edib.

Namiq Musayev