Məscidə partlayış baş verdi: 11 ölü, 12 yaralı - FOTO

Pakistanın Kvetta şəhərində məscidə baş verən partlayış nəticəsində 11 nəfər həlak olub, daha 12 nəfər isə xəsarət alıb. Avtosfer.az xəbər verir ki, hadisə yanvarın 10-da axşam saatlarında Qusabad rayonunda qeydə alınıb. Bu barədə “GeoTV” telekanalı məlumat yayıb.

Bildirilir ki, partlayışdan sonra hadisə yerinə səhiyyə, yanğınsöndürmə və polis briqadaları cəlb edilib. Yaralılar ambulanslarla xəstəxanalara çatdırılıblar.

Hazırda hüquq-mühafizə orqanları tərəfindən insidentin baş vermə səbəbləri araşdırırlar.

Namiq Musayev