Mikroavtobus çökən yola düşdü - FOTO

Türkiyənin paytaxtı Ankarada hərəkətdə olan sərnişin dolu mikroavtobus bir anda çökən yola düşüb. Avtosfer.az yerli KİV-ə istinadən xəbər verir ki, insident Mamak küçəsində baş verib.

Məlumata görə, hadisə nəticəsində xəsarət alan olmayıb. Lakin mikroavtobusa ciddi ziyan dəyib.

Sürücü Ramazan Ay jurnalistlərə açıqlamasında deyib: “Bir anda yol çökdü elə bildim ki, avtomobil vurdu. Salonda sərnişin var idi, hamısını aşağıya endirdik. Maşında xeyli maddi zərər var”.

Bildirilir ki, yol hadisədən sonra da çökməyə davam edib. Ətrafda təhlükəsizlik tədbirləri görən polis, yolun çökən hissəsi nəqliyyatın hərəkətinə bağlanıb. Mikroavtobus yedəyə qoşularaq düşdüyü yerdən çıxarılaraq ərazidən uzaqlaşdırılıb.

Müvafiq qurumlar tərəfindən önləyici tədbirlərin alınması işlərinə başlanılıb.

Namiq Musayev