Paytaxtda 18 yaşlı sürücünün “Rolls-Royce”nu əlindən alıblar

Rusiyanın Moskva şəhərində 18 yaşlı paytaxt sakininin avtomobili əlindən alınıb. Avtosfer.az xəbər verir ki, insident Yaroslavskiy şosesində baş verib. Bu barədə Moskva üzrə DİN Mətbuat Xidmətindən məlumat verilib.

Məlumat görə, yolda naməlum səbəblərdən sürücülər arasında münaqişə baş verib və bir müddət sonra adı açıqlanmayan sürücü, “Rolls-Royce” markalı avtomobilin 18 yaşlı sahibini maşının salonundan düşürüb və sükan arxasına keçərək iki avtomobilin müşayiəti ilə hadisə yerindən uzaqlaşıb. Bundan sonra zərərçəkən polisə müraciət edib, ancaq bir neçə saat sonra şikayətini geri götürüb. Bir gündən sonra isə yenidən avtomobilinin qaçırılması ilə bağlı müraciət edib.

Polis faktla bağlı araşdırmalara başlayıb.

Namiq Musayev