Silahlı sürücü patrul xidmətinin əməkdaşına atəş açıb

Kanadada naməlum şəxs yol patrul xidmətinin əməkdaşına atəş açıb. Avtosfer.az xəbər verir ki, insident Toronto şəhərində qeydə alınıb. Bu barədə dekabrın 27-də “CTV” telekanalı məlumat yayıb.

Məlumata görə, yol patrul xidmətinin əməkdaşı yoxlama aparmaq üçün avtomobili saxlayıb.

Avtomobili saxlayan naməlum şəxs üzərində gəzdirdiyi tapança ilə polis əməkdaşına atəş açıb. Bunun ardınca da asayiş keşikçisi tabel silahından ona cavab verib. Lakin, şübhəli hadisə yerindən qaça bilib.

Bildirilir ki, hadisə nəticəsində polis əməkdaşı xəsarət almayıb.

Hazırda polis şübhəlinin gizləndiyi evin yerini aşkarlayıb. Onun saxlanılması istiqamətində işlər aparılır.

Hüquq mühafizəçiləri əməliyyat tədbirləri üçün qonşuluqda yaşayan sakinləri təxliyə edib, yolları nəqliyyatın hərəkətinə bağlayıb.

Namiq Musayev