Stüardessa hava axınına düşərək ayağını yeddi yerindən qırıb - FOTO

Stüardessa hava axınına düşərək ayağını yeddi yerindən qırıb. Avtosfer.az xəbər verir ki, hadisə keçən ilin avqust ayında baş versə də, bu barədə yanvarın 5-də “The Sun" portalı məlumat yayıb.

Məlumata görə, 27 yaşlı İden Qarriti göyərtədə sərnişinlərə təkərli arabada yemək paylayan zaman təyyarə qəfildən 155 metr hündürlükdə güclü hava axınına düşüb. Ardınca qız döşəməyə yıxılaraq ayağından ciddi xəsarətlər alıb. Bundan sonra Kuba reysi ilə uçuş həyata keçirən “Thomas Cook” aviaşirkətinin ekipaj üzvləri hava gəmisini Mançester aeroportuna endirməyə məcbur olublar. Yaralı dərhal xəstəxanaya çatdırılıb. Həkimlər stüardessanın ayağının yeddi yerindən qırıldığını bildiriblər və üzərində cərrahiyə əməliyyat apararaq metal millər qoyublar.

27 yaşlı qız hadisədən sonra 2 ay yeriyə bilməyib.

Namiq Musayev