Sudanda hərbi təyyarə qəzaya uğrayıb, 15 nəfər ölüb

Sudanda hərbi nəqliyyat təyyarəsi qəzaya uğrayıb.

“Report” RİA “Novosti”yə istinadən xəbər verir ki, təyyarə hərbi hava bazasından havaya qalxdıqdan qısa bir müddət sonra yerə çırpılıb. Qəza nəticəsində 15 nəfər həlak olub.

“Reuters”in məlumatına görə, təyyarə bu yaxınlarda etnik qruplar arasında ölümcül toqquşmaların qeydə alındığı Qərbi Darfurdakı hərbi bazada qəzaya uğrayıb.

Hazırda qəzanın baş vermə səbəbləri məlum deyil.