Sürücü bədbəxt hadisə nəticəsində dünyasını dəyişib - Kürdəmirdə

Bakı-Qazax əsas magistral yolunun Kürdəmir rayonunun Çöhranlı kəndindən keçən hissəsində sürücünün ölümü ilə nəticələnən hadisə baş verib. Avtosfer.az-ın APA-ya istinadən xəbərinə görə, Astara rayon sakini, 1977-ci il təvəllüdlü İlham Nail oğlu Bayramov “Mercedes” markalı iritutumlu yük maşınını təmir etmək məqsədilə yol kənarında saxlayıb. Bu zaman maşına quraşdırılmış qaldırıcı kran qırıldığından sürücü avtomaşının altında qalaraq dünyasını dəyişib. Yük maşının altında sıxılıb qalmış sürücünün meyiti Kürdəmir rayon Dövlət Yanğından Mühafizə Xidmətinin Qəza xilasetmə bölməsinin əməkdaşları tərəfindən çıxarılaraq aidiyyəti üzrə təhvil verilib.

Faktla bağlı araşdırma aparılır.