Təyyarə uçuş-eniş zolağından çıxaraq yanıb - FOTO + VİDEO

Konqoda Cənubi Afrika Respublikasına (CAR) məxsus hərbi təyyarə Qoma hava limanına sərt eniş edərək uçuş-eniş zolağından kənara çıxıb. Avtosfer.az xəbər verir ki, bu barədə “Actualite” nəşri məlumat yayıb.

Məlumata görə, “Lockheed C-130” tipli hava gəmisinin göyərtəsində 8 ekipaj üzvü və 59 sərnişin olub. Qəzadan sonra təyyarədə yanğın baş verib. Alovlar, hadisə yerinə çağırılan yanğınsöndürmə briqadları tərəfindən vaxtında söndürülüb. 

Hadisə nəticəsində xəsarət alan olmayıb.

Bildirilir ki, təyyarə Beni şəhərindən havaya qalxıb və göyərtəsində CAR-ın hərbçiləri olub.

İnsidentin hansı səbəbdən baş verdiyi barədə açıqlama verilməyib.

Namiq Musayev