Tovuz sakini mühərrikli velosiped düzəldib - VİDEO

Tovuzlu gənc Tural İsmayılov mühərrikli velosiped düzəldib. O, aldığı hazır mühərriki velosipedə quraşdırıb və iki nəqliyyat vasitəsinin funksiyalarını birində cəmləşdirib.

 Tural İsmayılov 700 manata başa gələn bu nəqliyyat vasitəsini həm də motosiklet kimi istifadə edir.
Onun sözlərinə görə, hər gün bu velosipedlə 50 km-ə qədər yol qət edir. Üstəlik, yoxuşları da velosipedlə rahat qalxa bilir.
Tural İsmayılov bu velosipedə yağışda açıla bilən çətir, dönmə işıqları və fara da əlavə etmək istəyir.