Tunel çökdü: azı 4 ölü

Çinin şimalında tikintisi davam edən tunelin çökməsi nəticəsində azı 4 nəfər ölüb. Avtosfer.az xəbər verir ki, hadisə Şansi əyalətində qeydə alınıb. Bu barədə dekabrın 31-də “Sinxua” agentliyi məlumat yayıb.

Agentliyin məlumatına görə, insident ötən gün yerli saatla 16.00 radələrində baş verib.

Bildirilir ki, işçilərdən 6-sı dağıntılar altında qalıblar.

Rəsmilər 4 nəfərin öldüyünü təsdiqləyiblər, lakin dünyasını dəyişdiyi bilinən daha iki nəfərin meyiti hələ ki, tapılmayıb.

Hazırda əməliyyat-axtarış tədbirləri davam etdirilir.

Namiq Musayev