Yanacaqdoldurma məntəqəsinə silahlı hücum oldu: 6 ölü, 5 yaralı

Meksikada yanacaqdoldurma məntəqəsinə edilən silahlı hücum nəticəsində 6 nəfər ölüb, daha 5-i isə xəsarət alıb. Avtosfer.az xəbər verir ki, insident Quanaxuato ştatında qeydə alınıb. Bu barədə “Milenio” nəşri məlumat yayıb.

Şahidlərin məlumatına görə, cinayətkarlar yanacaqdoldurma məntəqəsində bir neçə avtomobildə olan insanlara odlu silahdan atəş açdıqdan sonra qaçaraq gizləniblər.

Hücum gecə saatlarında yarmarka yaxınlığında baş verib.

Yaralılar xəstəxanalara çatdırılıblar.

Hadisə yerində ictimai təhlükəsizlik nazirliyinin 60-dan çox əməkdaşı təhqiqatlar aparır.

Namiq Musayev