500 küçə avtomobillər üçün bağlanır, 10 min parklama yeri LƏĞV EDİLİR

Parisdə bazar günü keçirilmiş referendumun nəticələri açıqlanıb. 

Avtosfer.az xəbər verir ki, referendumda iştirak edənlər 500 küçədə avtomobillərin hərəkətinin qadağan edilməsinin lehinə səs veriblər. Bu küçələr yaşıllaşdırılaraq piyadaların ixtiyarına veriləcək.

Referendumda ən əsas müddəa parkinqlərlə bağlıdır. Parislilər həmçinin, 10 000 parklama yerinin ləğvinin də lehinə səs veriblər.

Bu addım bir azərbaycanlı üçün qəribə gəlsə də, reallıq başqadır. Bir neçə gün Parisdə olan şəxs bilir ki, şəhərdə ictimai nəqliyyat kifayət qədər yaxşı inkişaf edib.

Bu səbəbdən hansısa küçədə hərəkətin qadağan edilməsi sakinlər üçün problem mənbəyinə çevrilmir. Elə bakının özündə Malakan bağının ətrafının piyada zolağına çevrilməsi burada hərəkəti daha da asanlaşdırıb.
 

Vüqar