Azərbaycanda ən çox hansı avtomobillər sürülür? – Rəsmi statistika AÇIQLANDI

Azərbaycanda istifadə olunan nəqliyyat vasitələrinin markalar üzrə sayı açıqlanıb. Statistik göstəricilər ölkə avtomobil parkında hansı markaların daha çox paya sahib olduğunu göstərir.

Avtosfer.az xəbər verir ki, Dövlət Statistika Komitəsinin məlumatına əsasən, 2025-ci ilin sonuna ölkədə istifadə olunan nəqliyyat vasitələri arasında ən çox say “Mercedes-Benz” markasının payına düşüb.

Belə ki, ölkə üzrə 222 050 ədəd “Mercedes-Benz” markalı nəqliyyat vasitəsi qeydiyyatda olub. Siyahıda ikinci yerdə 153 983 ədəd göstərici ilə “Hyundai” qərarlaşıb.

Daha sonra 124 922 ədəd “Toyota”, 106 962 ədəd “Kia” və 46 904 ədəd “BMW” markalı nəqliyyat vasitələri yer alıb.

Beləliklə, təqdim olunan göstəricilərə əsasən, “Mercedes-Benz” Azərbaycanda istifadə olunan avtomobillər arasında say baxımından liderdir. “Hyundai”, “Toyota” və “Kia” da ölkənin avtomobil parkında geniş yayılan markalar sırasında yer alır.

Eltac Zülfüqaroğlu