Beynəlxalq təşkilat uçuşların təhlükəsizliyi ilə bağlı xəbərdarlıq etdi

Beynəlxalq Mülki Aviasiya Təşkilatı (ICAO) münaqişə zonaları üzərindən keçən mülki təyyarələrin daha yaxşı müdafiəsinə çağırıb.

Avtosfer.az xəbər verir ki, müraciət rəsmi Kiyevin Rusiya səmasının təhlükəsiz olmaması ilə bağlı rəsmi xəbərdarlığından sonra edilib. ICAO dünyanın 193 dövlətini, o cümlədən Azərbaycanı birləşdirir.

Təşkilat Rusiya və Ukraynanın adlarını çəkməsə də, bəyanatı dünyada artan risklərlə izah edib. Qeyd olunub ki, mülki laynerlər çarpaz atəşə məruz qala bilər. Təyyarələr üçün əsas risk uzaqmənzilli silahlar, dronlar və radioelektron mübarizə vasitələridir.

Bəyanatdan bir neçə saat əvvəl Ukrayna XİN təşkilata Rusiya səmasının təhlkəsiz olmadığı barədə rəsmi bildiriş göndərib. Rusiya isə Kiyevin bəyanatının hüquqi qüvvəsi olmadığını bəyan edib. 

Qeyd edək ki, son 2 gündə Rusiyadan xaricə uçuşlarda ciddi gecikmələr müşahidə olunur. Rusiya səmasındakı vəziyyət AZAL-ın reyslərinə də təsirsiz ötüşmür.

Vüqar