Bu süni maneə yalnız avtoxuliqanları cəzalandırır - FOTO

Sürücüləri sürəti azaltmağa məcbur etmək üçün yollarda süni maneələr quraşdırılır. Bunlar sürəti azaltmaq baxımından müəyyən qədər səmərəli olsa da, avtoimobillərin asqısını dağıdır. 

Avtosfer.az xəbər verir ki, buna da çarə tapılıb. Fransanın Nansi Universitetinin 2 tələbəsi yalnız sürət həddi aşıldıqda aktivləşən maneəni patentləşdirib.

İş mexanizmi belədir: süni maneə radarla təchiz edilib. Yaxınlaşan avtomobilin sürəti yolverilən həddədirsə, o zaman maneə standart 3 santimetr səviyyəsində qalır. Bununla da, lüzumsuz tormozlamanın qarşısı alınır. Sürücü gəldiyi sürətlə yoluna davam edir.
Sürət həddi aşıldığı təqdirdə isə maneə 9 santimetrədək yüksəlir. Bu da avtomobilin asqı sisteminə zərər verir. Sürücü də tormozlamaq məcburiyyətində qalır. 

Layihənin müəllifi olan tələbələrə işlərini təkmilləşdirmək üçün 3000 avro subsidiya verilib.

Vüqar