Ekspres avtobusların gündəlik sərnişin sayı AÇIQLANDI

Bakıda ekspres avtobus marşrutlarına olan tələbat yüksək olaraq qalır.

Avtosfer.az xəbər verir ki, nəqliyyat eksperti Eldəniz Cəfərov ekspres avtobusların fəaliyyətini və sərnişin tələbatını qiymətləndirib.

Ekspert bildirib ki, bir gündə 127 min sərnişinin ekspres avtobuslardan istifadə etməsi bu nəqliyyat növünə olan tələbatın yüksək olduğunu göstərir. Onun sözlərinə görə, 9 istiqamət üzrə, xüsusilə pik saatlarda 10 minlərlə sərnişinin daşınması ciddi göstəricidir.

“Bir gündə 127 min sərnişin. Bu, ekspres avtobusların nə qədər böyük tələbat yaratdığını göstərir. 9 istiqamət üzrə, xüsusilə pik saatlarda 10 minlərlə insanın daşınması ciddi nəticədir”, – deyə Eldəniz Cəfərov bildirib.

Ekspert həmçinin ekspres avtobus sisteminin təşkilində Azərbaycan Yerüstü Nəqliyyat Agentliyinin (AYNA) fəaliyyətini müsbət qiymətləndirib.

“Obyektivlik naminə qeyd edim ki, bu işi təşkil edən AYNA-nın fəaliyyətini müsbət qiymətləndirmək olar. Sistem qurulub və real nəticə verir”, – deyə o əlavə edib.

Eltac Zülfüqaroğlu