Konsertinə gələn körpəyə 7200 manatlıq jest etdi - VİDEO

Məşhur türkiyəli müğənni Hadisə Didimdə verdiyi konsert zamanı səhnəyə gətirilən körpəyə jest edib.

Avtosfer.az “Qafqazinfo”ya istinadən xəbər verir ki, bu barədə “CNN Türk” məlumat yayıb.

Məlumata görə, müğənni körpəni qucağına alaraq ona 200 min TL (təxminən 7200 manat) dəyərində beşibiryerdə (red.-qızıl əşyası) göndərmək istədiyini bildirib və komandasından ailənin əlaqə məlumatlarını almasını xahiş edib.

Müğənninin bu jesti sosial şəbəkələrdə böyük maraqla qarşılanıb.

Qeyd edək ki, Hadisə daha əvvəl də uşaqları çox sevdiyini bildirib.

O, ən son Almaniyadakı konsertində pərəstişkarları ilə söhbəti zamanı ana olmaq arzusu barədə də danışmışdı.