Lotereyada 250 milyon qazandı

İrlandiyada hələ adı məlum olmayan bilet sahibi “EuroMillions” lotereyasında 250 milyon avro qazanıb. Avtosfer.az xəbər verir ki, bu barədə ölkə üzrə müxtəlif tirajlar təşkil edən İrlandiya Milli Lotereyasının çərşənbə axşamı yaydığı məlumatda deyilir. “Oyunçularımıza biletlərini yoxlamağı və udubsa, biletin arxasına imza atmağı, onu təhlükəsiz saxlamağı və milli lotereyanın baş ofisi ilə əlaqə saxlamağı tövsiyə edirik”-, deyə lotereyanın Kian Mörfi məsləhət görüb. Söhbət “EuroMillions”da udula bilən ən böyük məbləğdən cekpot 250 milyon avrodan gedir. Naməlum bilet sahibi lotereyada bütün yeddi nömrəni, o cümlədən iki uğurlu ulduz nömrəsini təxmin etməyi bacarıb.