Məşhur motosiklet zavodu istehsalı Çinə köçürür - FOTO

Rusiyanın İrbit Motosiklet Zavodu istehsalını Çinə köçürməyi planlaşdırır. 

Avtosfer.az xəbər verir ki, istehsalçıya məşhur Ural motosikletlərinin satışı ziyanla başa gəlir. 2022-ci ildə istehsalın Qazaxıstana köçürülməsi problemi aradan qaldırmayıb. Sanksiyalara görə Avropa və ABŞ-yə ixrac dayanıb, daxili bazarda isə baha qiymətə texnika satmaq mümkün deyil.

Hazırda Sverdlov vilayətindəki əsas müəssisə daxili bazarı sovet modeli motosikletlərlə və ehtiyat hissələri ilə təmin etmək üçün məhdud işçi qüvvəsi ilə fəaliyyət göstərir.

Yeni motosikletlər Çində Yingang şirkətinin müəssisəsində Ural Neo 500 adı ilə istehsal ediləcək. 35 at gücündə maye soyutmalı Çin mühərriki ilə komplektləşdiriləcək motosiklet yalnız Rusiya bazarı üçün nəzərdə tutulub.

Istehsalçı bildirir ki, 1938-ci il modeli BMW R71-in bazasında hazırlanmış hazırki Ural motosikletlərindən fərqli olaraq Neo 500-də daimi nizamlamalara və təkmilləşdirməyə eghtiyac olmayacaq. 

Qeyd edək ki, sovet dövründə Rusiyada çox sayda motosiklet zavodu fəaliyyət göstərib. İndi bu zavodlardan demək olar heç biri fəaliyyət göstərmir.

Vüqar