“Qeyri-adi sərnişin”ə görə uçuş gecikdi

ABŞ-nin Kaliforniya ştatındakı San-Fransisko Körfəz Hava Limanında qeyri-adi hadisə baş verib.

Avtosfer.az xəbər verir ki, “Southwest Airlines” şirkətinin 1568 nömrəli uçuşu San-Dieqo Beynəlxalq Hava Limanına gedərkən bir saat gecikib.

Gecikməyə səbəb 1,2 metr hündürlüyündə robot sərnişin “Bebop” olub.

“FlightAware”in məlumatına görə, saat 14:00-da yola düşməsi planlaşdırılan uçuş robotun uçuş-enmə zolağında təxminən bir saat gözləməsinə görə gecikib. Pilot gecikmənin səbəbini “qeyri-adi sərnişin” olaraq açıqlayıb.

Hava limanında robotun hərəkəti sərnişinlərin diqqətini çəkib, bir çoxu onunla şəkil çəkdirib. Ekipaj isə robotun təyyarədə necə yerləşəcəyindən narahat olub. “Bebop” pəncərənin yanında oturub, çünki onun əl baqajı ölçüsü hava limanının qaydalarını aşıb. Bundan əlavə, litium batareyasının icazə verilən maksimum ölçünü keçdiyi üçün ekipaj robotun batareyasını çıxarmasını tələb edib.