Rusiyadan yeni mühərrik: Marsa 6 deyil, 1 aya getmək olacaq

Rusiyanın Rosatom şirkəti yeni kosmik mühərrik layihələndirir. 

Avtosfer.az xəbər verir ki, yeni plazma-elektrik mühərriki kosmik gəmilərin daha sürətlə hərəkətinə imkan verəcək. Məsələn, müasir mühərriklər raketi Marsa 6 aya çatdıra bilir. Yeni raketlə bu müddət 1-2 aya enəcək.

Ənənəvi raketlərdən fərqli olaraq mühərrikdə kimyəvi reaksiyadan deyil, yüklənmiş ionların itələməsindən istifadə ediləcək. İonlaşan hissəciklərin hərəkəti nəticəsində daimi artan itələnmə yaranacaq.

Yeni sistemin əsas üstünlüyü faydalı iş əmsalındadır. Raket mühərrikində əsas itki istiliklə bağlıdır. Rosatomun mühərrrikində isə itki minimaldır.
Yeni mühərrik üçün hidrogendən istifadə eidləcək. Bu qaz kosmik fəzada boldur. Ənənəvi raket mühərrikində yanma sürəti 4,5 km/saniyəni keçmədiyi halda, hidrogenin tətbiqi isə sürət 100 km/saniyəyə (360 000 km/saat) çata bilər. 

Layihənin müəlliflərindən Aleksandr Kutorovun dediyinə görə, mühərrikin resursu 2400 saat təşkil edəcək. Bu da Marsa gedib-qayıtmağa imkan verəcək.

Vüqar