Sərxoş sürücülərin avtomobilləri bu yolla bloklanacaq  

Sərxoş sürücülərin iştirakı ilə baş verən qəzalar dünyanın əksər ölkələri üçün ciddi narahatlıq doğuran məsələlərdəndir.

Avtosfer.az xəbər verir ki, Qərb ölkələrində konstruktorlar və hökumətlər bu problemin aradan qaldırılması üzərində işləyirlər. "BMW" şirkəti sərxoş sürücülərin avtomobil idarə etməsini bloklayan sistem üzərində işləyir. 

Patentləşdirilmiş layihədə sistem belə işləyir: sürücü avtomobildəki sensor ekrandakı düyməni sıxır və sistem  avtomobilin salonundakı alkoqol buxarını ölçür. Havada alkoqol buxarı normadan çox olduğu təqdirdə avtomobilin əsas sistemləri bloklanır.

Hələlik sistem ilkin patent halındadır. Onun təkmilləşdirilməsi üçün hələ bir neçə il tələb olunur.

Vüqar