Taksi sürücüsü ilə qadınlar arasında MÜBAHİSƏ: Pulu ödəməkdən imtina etdilər - VİDEO

İstanbulun Beşiktaş rayonunun Etiler məhəlləsində 3 qadın taksi xidmətinin 600 lirəlik ödənişini etmədən ərazidən uzaqlaşıb.

Avtosfer.az HaberGlobal-a istinadla xəbər verir ki, hadisə avqustun 12-də saat 03:00 radələrində baş verib. Məlumata görə, Kuruçeşmədə yerləşən əyləncə məkanından 3 qadını götürən taksi sürücüsü onları Etilerə aparıb. Səfər zamanı hər hansı problem yaşanmasa da, ünvana çatdıqda taksometrdə 600 lirə məbləğ göstərilib.

İddiaya görə, qadınlar müxtəlif bəhanələr gətirərək gediş haqqını ödəməkdən imtina edib. Ödənişi tələb edən sürücü ilə qadınlar arasında mübahisə yaranıb. Qadınların ona qarşı aqressiv davrandığını bildirən sürücü təhlükəsizliyindən narahat olaraq polisə zəng edib.

Qadınların ərazidən uzaqlaşdığını görən taksi sürücüsü hadisəni mobil telefonla lentə almağa başlayıb. Üç qadın 600 lirəlik gediş haqqını ödəmədən hadisə yerindən uzaqlaşıb.

Sürücü görüntülərin və ərazidəki təhlükəsizlik kameralarının araşdırılmasını istəyərək qadınlardan şikayətçi olub.