“Toyota” birinci, “Land Rover” isə... – Ustalar avtomobilləri müqayisə etdi

Avtomobil alarkən etibarlılıq və texniki xidmət xərcləri sürücülər üçün əsas meyarlardan biridir. Avtomobil ustaları isə servisə ən az müraciət edən və ən çox problem yaradan modellərlə bağlı fikirlərini açıqlayıblar.

Avtosfer.az xəbər verir ki, mütəxəssislər ən etibarlı marka kimi “Toyota”nı, ən çox texniki problemlə üzləşən istehsalçılardan biri kimi isə “Jaguar Land Rover” qrupunu göstəriblər.

Ustaların sözlərinə görə, “Toyota Yaris”in benzinli hibrid versiyası və avtomatik sürətlər qutusuna malik “Aygo” modeli aşağı istismar xərcləri və dözümlülüyü ilə seçilir.

“Jaguar Land Rover” avtomobillərində isə yağ sızması, pnevmatik asqı və mühərrik problemlərinin daha çox müşahidə edildiyi bildirilib. “I-Pace” modelində isə şarj, yüksək gərginlik izolyasiyası və iqlimləndirmə sistemlərində nasazlıqların yarana bildiyi qeyd olunub.

Eltac Zülfüqaroğlu