Yasamalda vətəndaşlara kofe, şirniyyat və pul paylayan şəxs GÜNDƏM OLDU - VİDEO

Bakıda gəncin etdiyi hərəkət sosial şəbəkələrdə böyük rəğbət qazanıb.

Avtosfer.az xəbər verir ki, sosial şəbəkə istifadəçisi paytaxt küçələrində çalışan bəzi vətəndaşlara yaxınlaşaraq onlara kofe, şirniyyat və zərfin içərisində pul təqdim edib.

Paylaşılan görüntülərdən aydın olur ki, gənc bu addımı səssiz və təmkinli şəkildə atıb. O, nə yardım etdiyi şəxslərin üzünü açıq formada nümayiş etdirib, nə də zərfin içərisində pul olduğunu xüsusi olaraq vurğulayıb. Yardım alan şəxslər isə zərfi sonradan açaraq içində maddi vəsait olduğunu görüblər.

Sosial şəbəkə istifadəçiləri gəncin bu davranışını humanist və nümunəvi addım kimi qiymətləndiriblər. Xüsusilə ehtiyac sahiblərinin və zəhmətlə çalışan insanların diqqətdən kənarda qalmaması izləyicilər tərəfindən müsbət qarşılanıb.

Qeyd edək ki, son dövrlər sosial mediada xeyriyyə aksiyaları və fərdi təşəbbüslər daha geniş yayılıb. Lakin bir çox hallarda yardımlar açıq nümayiş etdirildiyi halda, bu hadisədə şəxsi məlumatların və üzlərin gizli saxlanılması istifadəçilər tərəfindən xüsusi olaraq təqdir edilib.

İstifadəçi paytaxt küçələrində çalışan bəzi vətəndaşlara yaxınlaşaraq onlara kofe, şirniyyat və zərfin içərisində pul təqdim edib.

Paylaşılan görüntülərdən aydın olur ki, gənc bu addımı səssiz və təmkinli şəkildə atıb. O, nə yardım etdiyi şəxslərin üzünü açıq formada nümayiş etdirib, nə də zərfin içərisində pul olduğunu xüsusi olaraq vurğulayıb. Yardım alan şəxslər isə zərfi sonradan açaraq içində maddi vəsait olduğunu görüblər.

Sosial şəbəkə istifadəçiləri gəncin bu davranışını humanist və nümunəvi addım kimi qiymətləndiriblər. Xüsusilə ehtiyac sahiblərinin və zəhmətlə çalışan insanların diqqətdən kənarda qalmaması izləyicilər tərəfindən müsbət qarşılanıb.

Qeyd edək ki, son dövrlər sosial mediada xeyriyyə aksiyaları və fərdi təşəbbüslər daha geniş yayılıb. Lakin bir çox hallarda yardımlar açıq nümayiş etdirildiyi halda, bu hadisədə şəxsi məlumatların və üzlərin gizli saxlanılması istifadəçilər tərəfindən xüsusi olaraq təqdir edilib.

Eltac Zülfüqaroğlu