Avropanın yol mədəniyyəti türk sürücünü təəccübləndirdi - VİDEO

Avropada tır sürücüsü işləyən bir türk, irəlidə baş verən qəzaya baxmayaraq sürücülərin yol mədəniyyətinə və qaydalara riayət etməsinə heyran qaldığını bildirib. “On kilometrlik tıxac var, amma hər kəs ip kimi düzülüb gözləyir. Arxada da vəziyyət eynidir, heç kim öndə getməyə çalışmır”, – deyə sürücü vurğulayıb.

Avtosfer.az xəbər verir ki, Avropada nəqliyyat iştirakçıları, o cümlədən, yük maşını sürücüləri belə, tıxac vəziyyətlərində səbirli və qaydalara sadiq qalırlar. Sürücünün sözlərinə görə, bu davranış qəzanın qarşısını almaq, nizamı qorumaq və yol hərəkəti təhlükəsizliyini təmin etmək baxımından vacib sayılır.

Türkiyə vətəndaşı qeyd edib ki, bu cür mədəniyyət və nizam-intizam Avropada yol hərəkəti qaydalarına verilən önəmin göstəricisidir. Onun fikrincə, tıxac zamanı qaydanı pozmağa çalışan sürücülərə Avropada çox nadir hallarda rast gəlinir.

Bu müşahidə Azərbaycandakı və digər ölkələrdəki sürücülərə nümunə olmalı, yol hərəkəti təhlükəsizliyinin təmin olunması üçün hər bir sürücü məsuliyyətli davranmalıdır.

Eltac Zülfüqaroğlu