Dayanmış avtobusu keçən zaman xəttin üzərinə çıxmaq olar? - VİDEO

İki zolaqlı yollarda sürücülər bəzi hallarda manevr qaydasını pozaraq əks yola çıxırlar. Avtosfer.az xəbər verir ki, adətən avtobus sürücüləri dayanacaqda dayanıb sərnişin mindirib-düşürən zaman arxadan gələn sürücülər əks yola çıxaraq keçib gedirlər.

Xüsusi texniki vasitə olan yollarda həmin sürücülər barəsində inzibati cərimələr tətbiq olunur.

Bəs bu cür hallarda sürücülərin əks yola keçməsi qayda pozuntusu hesab olunurmu?

Qaydalara görə, iki zolaqlı yollarda bütöv xəttin tələbini pozmaq hər bir halda yolverilməzdir. Avtobus sərnişin mindirib-düşürdüyü üçün dayanıbsa, arxadan gələn sürücü əks zolağa çıxmamalı və avtobusun hərəkətə başlamasını gözləməlidir. Bu halda ötüb keçmək qadağan olunmuş manevr sayılır və qayda pozuntusu kimi qiymətləndirilir.

Lakin qanunvericilikdə istisna hallar da mövcuddur. Əgər avtobus və ya digər nəqliyyat vasitəsi uzun müddətli park edilibsə və ya nasazlıq səbəbindən yolun hərəkət hissəsini tutursa, bu artıq son zərurət vəziyyəti hesab olunur. Belə halda sürücünün bütöv xətti keçib hərəkət etməsi inzibati cərimə ilə nəticələnməməlidir.

Fərid