Neçə yaşadək uşaqlar ön oturacaqda otura bilməz – QANUN NƏ DEYİR? - VİDEO

Uşaqların avtomobilin ön oturacağında daşınması ilə bağlı qaydalar sürücülər arasında tez-tez sual doğurur. Xüsusilə azyaşlı uşaqların ön oturacaqda hansı şərtlərlə əyləşdirilə biləcəyi maraq doğuran məsələlərdəndir.

Avtosfer.az xəbər verir ki, nəqliyyat eksperti Rüfət Əmiraslanov bildirib ki, xüsusi uşaq oturacağı və ya uşağı saxlayan digər xüsusi qurğu olduqda, kiçik yaşlı uşaqların da avtomobilin ön oturacağında daşınmasına icazə verilir.

Ekspertin sözlərinə görə, belə xüsusi qurğu olmadıqda isə 12 yaşadək uşaqların minik avtomobilinin qabaq oturacağında daşınması qadağandır.

Qanunvericiliyə əsasən, minik avtomobilinin qabaq oturacağında uşağı saxlayan xüsusi qurğu olmadıqda, 12 yaşınadək uşaqların daşınmasına yol verilmir.

Eltac Zülfüqaroğlu