Sığortası olmayan maşın qəzaya düşsə, cərimə oluna bilər? - İZAH - VİDEO

Sığortası olmayan avtomobilin evakuator vasitəsilə təmir üçün ustaya aparılmasına görə sürücüyə cərimə yazılması suallar doğurur.

Bəs bu halda cərimə qanunidirmi?

Avtosfer.az xəbər verir ki, nəqliyyat üzrə ekspert Rüfət Əmiraslanov açıqlamasında bildirib ki, icbari sığortası olmayan avtomobilin yollarda idarə edilməsinə görə cərimə tətbiq olunması qanunvericilikdə nəzərdə tutulub. Lakin avtomobil evakuatorun üzərində daşınırsa, vəziyyət fərqlidir.

Ekspertin sözlərinə görə, xaricdən yeni gətirilən avtomobil gömrük və qeydiyyat prosedurlarından keçirildikdən sonra evakuatora yüklənərək təmir üçün ustaya aparıla bilər. Belə olan halda avtomobil hərəkətdə olan nəqliyyat vasitəsi kimi idarə edilmir.

Rüfət Əmiraslanov qeyd edib ki, avtomobil evakuator vasitəsilə daşınarkən onun icbari sığortasının olmamasına görə cərimə tətbiq edilməsi qanunla nəzərdə tutulmayıb.

Ekspert sürücülərə müraciət edərək bildirib ki, sığortasız avtomobili yolda idarə etməkdən çəkinmək lazımdır. Bununla yanaşı, avtomobilin evakuatorla daşınması ilə onun birbaşa yolda idarə olunması arasında fərq qoyulmalıdır.

Eltac Züflüqaroğlu