Yolayrıcına daxil olarkən bunu etsəniz qəzadan yayına bilərsiz – Sürücülərə TÖVSİYƏ - VİDEO

Qəza əleyhinə kursların məşqçisi Aqil Rəhimov sürücülərə döngələrdə və sola dönərkən güzgüyə diqqət yetirməyin vacibliyini xatırladıb. 

Avtosfer.az xəbər verir ki, Aqil Rəhimov bildirib ki, sürücülərin çoxu işıqforda dayananda sol güzgüyə baxır, amma döngəyə çatanda və dönmə anında bunu etmirlər.
“Bu anlarda sizinlə eyni zolaqda hərəkət edərək sola dönən avtomobil sol qapınızı vura bilər. Ona görə də güzgüyə nə zaman baxmaq lazım olduğunu bilmək həyati əhəmiyyət daşıyır,” – deyə Aqil Rəhimov qeyd edib.

Ekspert sürücülərə tövsiyə edir ki, yaxınlaşdıqda güzgüyə baxsınlar, döngədə də baxışlarını yeniləsinlər və hər zaman sol tərəfdən gələn nəqliyyat vasitələrini yoxlasınlar. “Sürücülərin bu cür diqqətli avtomobil idarə etmələri son baxış adlanır və təhlükəsizlik üçün çox vacibdir. Bu sadə amma həyati vərdiş qəzaların qarşısını almaqda böyük rol oynayır,” – deyə o əlavə edib.

Aqil Rəhimov həmçinin vurğulayıb ki, sürücülər yalnız döngəyə daxil olarkən yox, ümumiyyətlə yol hərəkətində güzgülərdən aktiv istifadə etməlidirlər ki, qəza riskini minimuma endirsinlər.

Eltac Zülfüqaroğlu