Yol polisi olmayan bu küçədə sürücülər əks yola çıxır - VİDEO

Bakıda kütləvi şəkildə qayda pozan sürücülər kameraya düşüb. Avtoser.az xəbər verir ki, hadisə paytaxtın Əhməd Rəcəbli küçəsində qeydə alınıb. Belə ki, noyabrın 26-da sözügedən küçədə hərəkət edən 90-KU-371 qeydiyyat nişanlı “Hyundai” markalı, 10-AL-020 qeydiyyat nişanlı “Jeep” markalı, 99-FX-699 qeydiyyat nişanlı “Mitsubishi” markalı, 99-TV-959 qeydiyyat nişanlı “BMW” markalı, 99-CF-279 qeydiyyat nişanlı “Chevrolet” markalı, o cümlədən noyabrın 29-da 99-KJ-255 qeydiyat nişanlı “Mitsubishi” markalı avtomobillərin sürücüləri qoşa xəttin tələbini pozaraq əks istiqamətə çıxıblar. Onlar axına qarşı hərəkət edərək qarşıdan gələn sürücülərin yolunu kəsiblər.

Qeyd edək ki, görüntülər səhər saatlarında qeydə alınıb. Videonu qeydə alan sürücünün sözlərinə görə hər gün səhər saatlarında sürücülərin əks yola çıxaraq kobud şəkildə qayda pozmaları müşahidə edilir. Amma təəssüf ki, ərazidə yol polisi əməkdaşları gözə görünmür.

Ümid edirik ki, həmin sürücülərin məsuliyyətə cəlb edilməsi ilə bağlı əraziyə yol polisi əməkdaşları cəlb ediləcək.

Təbriz